Jongste aktiwiteit:

DIE DAG VERLAAT MY HUIS

Ek loop die dag se stof op my voorstoep raak
en soek die woordeboek
waaruit ‘n digter woorde alfabeties mooi kan maak

Ek laat die son sy druipstert loop begaan
al agter die nag se voorosse aan
en flikflooi met die Aandster
wat sy wit lig in die hemelnag ontdooi

Ek druk die voorstoep skakelaar onseker aan
om grou te maak tot lig
en glimlag met die asters in hul hoepel houers
met blos op hul blaar wange
wagtend vir ‘n verdwaalde bruidegom in die nag

Ek loer deur die spinnerak takke van die wilde struike
na die straatligte wat onseker half bedaard
hul neon lig bomme op die teerpad
vir ‘n alleen loop mensie laat

Ek soek die dag se weggooikind se warm laggie
in die skadu’s op my agterstoep
te lank gedraai
want hy lê al lankal opgekrul
in ‘n hoekie op my voorstoep
met sy vuurvliegiekombers gekooi

My stoep verdonker
en die dag verdrink in die nag se swart stormgolwe
en met my mond getrek tot glimlag
weet ek dat ons môre
weer deur my huis sal stap…




Gebore by die see, verlief geraak op die berge / platteland en woon nou in die Vrystaat saam met my vrou Charmaine en 11 maande dogter Katelyn. Was deel van WOES se eerste bundle uitgawe van 2008 onder my tweede naam Gerhard. Vroeg "afgetreë" en hou myself besig met my "kunswerke". Werk ook deeltyds aan my eerste digbundel. Alle hulp en raad sal goud werd wees ...Ag en dan die legal ding: alle regte word voorbehou op geplaaste werke

5 Kommentare

Maak 'n opvolg-bydrae

Up
Top Ranked Users

[joinup_core_top_members columns=”1″ space=”no” max_members=”3″ behavior=”columns” columns_responsive=”predefined”]

Activity Feed