die diepte van vrede (SILWER)

die diepte van vrede

as vrygekoopte kind van Hom
het ons vrede op grond van Sy genade

hoekom sukkel ons dan so
om in, deur en met vrede te leef?
so asof vrede vir ons weghardloop
met onrus en geweld van wêreld
so boos –word ons bombardeer

kan dit dalk wees
dat ons vergeet wat ons het:
die vrede van ons Heiland

as Kripkind is Hy gebore
gesterf aan ʼn houtkruis
… so het Hy alles kom verander

veroordeling vervang deur vergifnis
stukkendleef verander in heelwees-weelde

ondanks!
geweld, gruwels en gemors
nou geliefd, gered en veilig

VEREWIG
in
HOM

laat ons leef in die Lig van Hom

©Marlene Erasmus
11/11/2022

Rapporteer inhoud

• Issue: *
  Kopiereg inbreuk vuil taal Ongeldige Inhoud
• Your Name: *
  
• Your Email: *
  

• Details: *
  

Handig verslag