DIGTERS KLAAGLIED (goud)

As jy die suiwer klanke van sy lied sou verstaan

sal jy ook harmonieer met wat in sy siel aangaan

selfs in die kaalheid van hierdie skugter kwatryn

verfyn my pen die sirkel van sy mensbestaan.

Saans luister ek na sy soet stem ver verby die nanag

tot skuins voor die lig van nog ‘n nuwe dag.

Die ritmiese melodie van sy kitaar en klavier

laat my telkemale draai en dans van plesier

want die lewe is soms so kort en nietig

en sy songs laat my voel ek is nóú hier.

Wetend dat tyd vir niemand stil kan staan

al sou jy jou hande ook hemelhoog die lug inslaan.

Met elke noot wat ons saamsing of verloor

majeur ek myself met sy letsels wat dans in my oor

huil ek weer ‘n keer oor Elvis so vroeg moes gaan

verdrink selfs soms in elke lied wat met my toor.

So sal die dood hom nog op elkeen van ons wreek

maar die spore wat jy agterlaat sal niemand kan wegsteek.

© 8/2023 Caren Kearley

FB: Nimfoleptiese Woorde

Rapporteer inhoud

• Issue: *
  Kopiereg inbreuk vuil taal Ongeldige Inhoud
• Your Name: *
  
• Your Email: *
  

• Details: *
  

Handig verslag