Drome wat sing

Het mens maar net geweet
wat die lewe alles van jou gaan vra
het mens maar net so bietjie gesien wat nog gaan gebeur
dan kon jy soveel hartseer keer

Miskien moet jy net meer in jouself glo
en leer om daardie gevoel te vertrou
begrawe al jou foute
dit is waar! Dan gebeur wonderlike dinge

Leer van liefde, van sy wonderlike betowering
maar ook sy ongenaakbaarheid
wees lief sonder om te twyfel
of te veel vrae te vra

Huil
Lag
Moenie tou opgooi
Behou jou geloof

Feëverhale het gelukkige eindes
mag jou drome vir jou sing
Mag die wind al jou skadu-monsters wegwaai
sodat jy lief kan wees, net wees