Droomvanger (SILWER)

Droomvanger

‘n Droomvanger hang, in die stil naglig,
so dromerig soos wind se fluistering,
deur maanstof vasgevang, ’n buitekring,
met krale en vere, ’n mooi gedig.

In donker hang hy daar, ’n skadu sig,
sy sirkel van hoop, wat deur probleem dring,
drome hang soos visse in stille kring,
beskerm teen nagmerries, klaar opgerig.

Wanneer die nag die wêreld omvou stil,
en slaap se sagte sluier oor ons daal,
waak droomvanger oor drome wat verdwyn.

Hy hou die slegte nagvisse na sy wil,
sy krag omhels my met ’n rus wat straal,
soos sterrelig waar vrede stil verskyn.

©MarleneErasmus
30/10/2024

Neologisme:
“Maanstof”: Dit kombineer “maan” en “stof,” wat ‘n beeld skep van iets eteries en dromerig.

Rapporteer inhoud

• Issue: *
  Kopiereg inbreuk vuil taal Ongeldige Inhoud
• Your Name: *
  
• Your Email: *
  

• Details: *
  

Handig verslag