Een Geel Roos

Stuur my net ‘n enk’le geel roos,
om te sê: “Ek het jou lief,”
om my te troos,
as jy vêr weg is, my Lief.

Stuur my net ‘n enk’le geel roos
om jammer te sê,
want jy weet ek is broos,
as ons woorde sou hê.

Gee my net ‘n enk’le geel roos
as jy naby is…
en jou lippe my liefkoos
en my lyf in jou arms rus.

Los een geel roos
op my graf, as ek sterf.
Een laaste geel roos
om ons gedeelde tyd klaar te verf.

Rapporteer inhoud

• Issue: *
  Kopiereg inbreuk vuil taal Ongeldige Inhoud
• Your Name: *
  
• Your Email: *
  

• Details: *
  

Handig verslag