ek wéét

ek weet van die noorderligte
wat die mensrede oorrompel
en groot watervalwonders
wat die siel tot stilte dompel

dat verstommende prestasies
die mensheid so bekoor
ons meevoer in euforie
waarin ons onsself verloor

ek weet daar’s reuse rykdomme
onmeetbaar op ‘n skaal
en ‘n oormaat geil genietinge
waarin die aardmens kan verdwaal

maar ek wéét dat ál die gawes
aan hierdie mensehart gegee
smelt in jou louterwarm liefde
soos n emmer in die see

-cs-mar-23

Rapporteer inhoud

• Issue: *
  Kopiereg inbreuk vuil taal Ongeldige Inhoud
• Your Name: *
  
• Your Email: *
  

• Details: *
  

Handig verslag