Gedemptheid (Silwer klas Desember oop projek)

Gedemptheid

ek dink deserdae aan die tye

alhoemeer

in die geheuegreep van gister

toe my verlede nog suiwer was

soos die dorp se stilte so sonoor

wat in die namiddag gestol het

tot’n wasige weёmoed

durend totdat die kerk van klip

se klokke beierend gebulk het

deur die torings se kantele

as gedempte gesange van lof

hosannas wat die duiwe verjaag

die donker nag se swartheid in waar

‘n hond huiwerig blaf

en die bleek maan se stiltes splinter

my onvermoё bly steeds

my soos ‘n skadu by

hoe kan ek my die pyn kwyt

daardie kierie wat die donkerte

in my gewete hokslaan, dalk

deur my wellewende wit

aweregsheid as waarheid

te aanvaar

(C)MCH

Rapporteer inhoud

• Issue: *
  Kopiereg inbreuk vuil taal Ongeldige Inhoud
• Your Name: *
  
• Your Email: *
  

• Details: *
  

Handig verslag