Geesgevulde vrugte!
Die saad van die siel
is die vrug
van die gees
in die wil
wanneer jy klein as mens
‘n reus in God is
deur genade
hang die vrug
van die gees
ryp aan takke
dis jou eer en jou voorreg
‘n seën vermom in die wrang
van vrugbaarheid
wat Hy binne jou
lewe gee
pluk die vrugte
laat die rypheid
in Sy oordeel
die guns van gawe
voed
en gee dit weg
vir die’s wat smag
na die soet
diegene wat honger is
vir die vrug
van Sy gees
beskud
sal Hy jou
kaal takke snoei
gereed kry
vir ‘n nuwe seisoen
sodat jou vrugbaarheid
kan bloei in harte
sodat die opbrengs
van Sy dierbare oes
kan voortspruit
sodat Sy afstammelinge
kan voortleef
en vrugte dra
al die dae van hul lewens.
Chantelle Holder
Somerreën
Chantelle Holder is op 3 Oktober 1983 in Evander in die Mpumalanga distrik van Suid Afrika gebore. Sy is die tweede oudste van vier kinders. Sy matrikuleer in 2001 in Secunda en is steeds woonagtig in Secunda. Sy het begin skryf in 2004 om terapeutiese redes en het tot dusver baie bevryding en vertroosting ervaar deur woorde. Sedertdien spog sy met so 1300 gedigte en beoog om heelwat publikasies uit te bring in die komende jare. Chantelle skryf steeds, en hoop om ander deur haar woorde, met inspirasie te vul. Sewe (7) gedigte van haar is al gepubliseer deur die Christian Poetry Association, naamlik: The Greatest Gift - "Thank You Father" River of Life - "Vlieg saam my" Watched by an Angel - "Hooggety" Eternal Voice - "Alleenlik deur U" Shalom - "Dit begin by jou" Journey of Faith - "Geseënde ween" Oasis of Life - "My Kind" Asook ñ enkele gedig in ñ GR. 8 Werkboek: Metamorfose Fase 1 Afrikaans (EAT) Werkboek Gr.8 - "Straatkindertjies" Debuut bundel - Somerreën - ñ Ewige September (Oktober 2015) Haar volgende bundel sal in 2016 gepubliseer word, getiteld Somerreën …. Deur die genade van Bo….
Maak 'n opvolg-bydrae
Jy moet aangemeld wees om 'n kommentaar te plaas.