ghaap die goeie hoop

ligte mis gordyne heers
oor die baai vanoggend
die voëls is min gesteur
hul sweef en duik lustig

my duin ‘n oop venster
na die wêreld daar ver
oor horison blink ‘n lig
met ‘n sporadiese flits

agter my dreun lewe
bakkies wat bougoed
aan ry vir bou werke
luid lawaai ‘n werker

sirkelsaag en hamer
dakplate skuif rond
vragte sand druis af
dowwe plof van gruis

tussen alles deur stap
skilpad en fisante sag
ongesteur en so gerus
asof geen gevaar heers

terwyl my siel hoog lê
bo-oor duine gewaar
ek rooksuile op paaie
waar onrus kop wys

hoe lank nog klink dit
op die wysie van wind
hoe lank nog voor dit
ook ons baai gaan tref

dan rek ek die geheue
om net gisters te sien
waar daar beheer was

©Teárlach