HEMELVAART

Op die trappe van die monument in lig beklee

En waar  die vroeë winter sonsondergang

Die lug in bloed verkleur

 

Dink ek aan –

 

Hoe ons met spies, woord en geweer verniel

Vir die besit van stukkies grond

Wat God in die begin reeds aan ons gee.

 

Aan ons nietige  struwels met semantiek en ideologie.

 

En aan die grootheid van n God en Heer

Wat soos ’n moordenaar

aan ’n kruis

dood is

en Opgestaan het

Om vir sy vyand die Ewige Lewe te gee.