Roesbruin winter Goud

ek pars vir my die winter

in die middel van ‘n boek,

sodat ek die roesbruinkleur

in elke hoofstuk op kan soek

versigtig streel my vingers

die geel gedroogte aar

en hoor ek weer die krieke

in my winterboek baljaar

ek proe die stof van die karoosand

tussen die lyne vasgevang,

ruik die hartseer in die sonneblom

se dorre kop wat hang

tog bloei daar op die horison

die klank van nuwe hoop,

fluister die winterwind ‘n lofsang

wat my van weemoeds-inhibisies stroop

Amanda DM

Rapporteer inhoud

• Issue: *
  Kopiereg inbreuk vuil taal Ongeldige Inhoud
• Your Name: *
  
• Your Email: *
  

• Details: *
  

Handig verslag