her

–
skerp kom die gedagte vanoggend
in my brein op, daar waar ek op my duin sit
in my skooldae was die gedagte van “her” ‘n vloekwoord
net die gedagte om te erken jy was te lui of te lig was erg
daar het ‘n soort vloek oor jou gekom, almal het jou gesien
jy was nie goed genoeg, nou moet jy die jaar oordoen
‘n jaar was ‘n lang tyd tydens ‘n her-doen
tog het dit die wat sterk genoeg was
sterker gemaak en meer volwasse
vandag besef ek, as ek eerder
iewers ‘n “her” gehad het
sou ek dalk vroeër
emosioneel ryp
geword het
soms moet mens
iets in sy lewe kan “her”
om perspektief te kry
–
©Teárlach