Hi Ingrid
Hi Ingrid
Ek wonder baie of jy bang was vir die pikswart see, daai nag.
Ek wonder baie of jy koud was en wou omdraai terug na jou.. woorde toe. Ek wonder of jy agter gekom het dat jou trane dieselfde proe as die salpeter van die pikswart see. Ek wonder hoe seer jou binneste vir jare moes wees dat dit so hunkering moes hê aan ʼn stadige ontknoping in ʼn – water – weg – dryf.
Ek wonder hoe swart jou gemoed moes wees om sy ewewig van die pikswart see te gaan soek. Het jy met oop oë strak gestaar en saam jou jou mooiste gedig gevat? Dit was vir jou geliefdes ʼn bitterbessie dagbreek…..ʼn bitterbessie son.
Ek wonder of jy wonder….wat het van jou woorde geword…..
3 Kommentare
-
Kiekies
Hier praat jy oor 'n ding waaroor ek ook al baie gewonder het......was daar in daai pikswart see, 'n oomblik waarin sy wou omdraai en uitstap, maar nie kon nie? Hierdie woorde van jou raak aan my siel! Dis pragtig!
-
Koekekranka
Maar uit hierdie donkerwordmens is vir ons in Afrikaans gelukkig die mooiste van verse uitgebroei. (Tog bly dit 'n tragedie dat soveel talent vernietig is!)
Maak 'n opvolg-bydrae
Jy moet aangemeld wees om 'n kommentaar te plaas.
Anze
wow.. dis ongelooflik mooi "gewonder" en ek wonder self oor alles wat jy vra...