Hoe gaan jy jou dag aanpak?

Soggens vroeg nog voor
die son die nuwe dag kom groet
hoor ek die voëlgeluide buite
die koer-koer van duiwe
en hoe die kwikkies en suikerbekkies
soetjies sing
en die son se opkoms
die môre-gloed bring

voorwaar is nog ñ geseënde dagbreek
aan ons geskenk
uit ons talentvolle Vaderhand
herdenk ons die nuwe dag

die wekker sal binnekort skree
gedagtes vorm
gaan ek die dag volheid aanpak
afsprake nakom
gaan ek alles gedoen kry
met ñ glimlag of gaan ek grom
vir alles en almal wat my pad kruis

of gaan ek vir almal
wat my sien vandag wys
dat ek ñ kind is
ñ kind van God
iemand wat vandag
ook net bietjie tyd wil koop

want om jouself vir ander te gee
en iemand te bemoedig
en ñ drukkie te deel
kos werklik waar nie veel

om te glimlag vir iemand wat frons
wat onwetend die wêreld
op hul skouers dra
om iemand net te vra –
Hoe kan ek jou dag beter maak?

Die wekker lui irriterend
en ek staan gemaklik op
en glimlag terwyl die son
deur my kamer venster opkom

vandag gaan ñ goeie dag wees
vandag kies ek om beter te wees
as gister
want ek het vandag verniet gekry
ses-en-tagtig-duisend-vier-honderd sekondes
is myne en joune –

Hoe gaan jy jou dag aanpak?

© C. Holder 2018