Jongste aktiwiteit:

Hulle dink hulle is vry

Hulle dink hulle is vry

son het skaars teen skemer gaan lê
en wolke bruis soos branders teen die blou
druppels balsem die Karoo se skurwe lyf
wyl genade haar in vertroosting omvou

salig rinkink my oë oor die vlaktes se wyd
hul bokspring tot teen die horison se lyn
en ver in die stilte roep ń jakkals na sy maat
terwyl dag geruisloos in die donker verdwyn

salig rus my siel, my drome dink hul is vry
skaduwees skeletskets teen die kamer se muur
en ek drink aan die soet van my denke
my dankbaarheid dans soos ń vlammende vuur

vir ń wyle kan ek vergeet van droogte, lyding, en smart
ja, vannag kan ek lappetrap met psalms in my jubelende hart

©️Drienie Joubert Kelly

Voetnota ( Neologismes)
skeletskets – lyftaal
lappetrap – slaap




1 Kommentaar

Maak 'n opvolg-bydrae

Up
Top Ranked Users

[joinup_core_top_members columns=”1″ space=”no” max_members=”3″ behavior=”columns” columns_responsive=”predefined”]

Activity Feed