Hy vergeet nie
Oor die grasvlaktes
vol bome en bosse
en diere wat vrees.
Oor berge en dale,
met geheime gevul,
waterpoele, woude.
Oraloor is die gesang
van wesens wat ween,
rou oor die ondergang.
Oraloor die hemel hang
daar donker wolke, reën,
en die Engele se sang.
Oraloor is ‘n wonder,
selfs in as en vlamme
vloei lewe se wonder.
Oral waar die oë kyk,
is ‘n mag wat werk
en ‘n nuwe koninkryk.
Maar wees nie onseker,
weet net Hy vergeet nie
want Hy is die Skepper.
19/06/2016 © C. du Plessis
Amaspoke
Ek wou nog altyd skryf en het uiteindelik laas jaar 'n bundel uitgebring. Ek bedink nie spesifiek 'n skrywe nie, dit kom spontaan en op ingewing van die oomblik. Ek sal enige kommentaar, sleg of goed, aanvaar met ope arms.
3 Kommentare
-
Evelyn van der Merwe
Pragtig inspirerend gepen.
-
Anze
Pragtig
Maak 'n opvolg-bydrae
Jy moet aangemeld wees om 'n kommentaar te plaas.
neels
op berge en in dale en orla is my God. Gasper hierdie is n pragtige ode aan n praglied