Skewekrans
Vaalbosrant verby bly hy,
stoksiel en alleen, vergete;
die vaalbossies, sy maters
in die stryd om oorlewing.
Skewekranskloof oor kom jy
na hom waar hy alleen staan;
‘n eenvoudige ou kliphuisie
en ‘n dak van vaalbosgras.
Skewekrans, is dit genaamd,
en dit is daar waar hy woon;
op die vlakte sal jy hom vind,
rotsvas, geanker in die wind.
Verseker, sterk in sy geloof,
soek hy dit wat God beloof;
sy jare het gekom en gegaan,
en geduld het sy weg gebaan.
Jy sal verstaan as jy die pad volg,
Vaalbosrant verby na Skewekrans,
oor Skewekranskloof na Vaaljan;
opreg getrou aan God se woord.
19/06/2016 © C. du Plessis
Amaspoke
Ek wou nog altyd skryf en het uiteindelik laas jaar 'n bundel uitgebring. Ek bedink nie spesifiek 'n skrywe nie, dit kom spontaan en op ingewing van die oomblik. Ek sal enige kommentaar, sleg of goed, aanvaar met ope arms.
5 Kommentare
-
Viooltjie
Dit is sommer baie mooi :-)
-
Evelyn van der Merwe
Voorwaar iets besonders uit jou pen, hou hiervan.
-
Arnold
Ek hou van hierdie een.
-
Anze
dis pragtig gepen met so n besonderse slot!
Maak 'n opvolg-bydrae
Jy moet aangemeld wees om 'n kommentaar te plaas.
neels
Casper hierdie is een van jou beste werke wat ek nog ooit gelees het