Jy is dit alles en meer
Jy is die doudruppel- biggel
in my vreugdebestaan
die aanvang en einde
van volkome verstaan
elk suiwer silwer-noot
op hartsnaar se kitaar –
waar jou harmonie
sag tril in ‘n simfonie
Jy is die reënboogpot
vol neon-kleurgenot
wat in sagte pastel
sy eie storie vertel
die aand-stêr se flikflooi
in silwer sterrestof getooi
elk liewe uniek-insek
met God’s kleed bedek
Jy is dit alles
en tonne meer
as wat sprokiesverhaal
ooit waag om te leer
my asem, hartklop,
lense, neus en ore
sonder jou is my –
heelal totaal verlore
Evelyn van der Merwe
Ek skryf om leeg te word van wêreldse struikelblokke en voller te word met die talent wat my Skepper aan my toevertrou het. So glo ek dat mens tree vir tree en woord vir woord eendag weer oorwinning sal behaal.
4 Kommentare
-
-
Evelyn van der Merwe
Bly ek kon 'n ligstraatjie wees vir die dag. Dankie vir die mooi kommentaar.
-
-
neels claasen
Evelyn hierdie werk het my hart geraak
-
Evelyn van der Merwe
Jou gereelde inloer en saamlees word hoog op prys gestel.
-
Maak 'n opvolg-bydrae
Jy moet aangemeld wees om 'n kommentaar te plaas.
Toom
Aag, Evelyn! En dit sê jy alles vir my? Gelukkige ek! By hierie mislike weeersomstandighede het jy waarlik my dag weer helderstralend gemaak. Dankie. Groetnis fanToom