Jongste aktiwiteit:

Kaalvoet Liefde

Kaalvoet staan ek voor jou
my hoof is onbedek,
my hart is in my hande,
my liefde onbevlek.
Jy vra wat’s my begeerte,
wat wil ek hier kom kry,
ek antwoord uit my hart uit,
dis altyd maar net jy…

want dis ‘n kaalvoet liefde dié
waarmee ek jou bemin,
‘n liefde sonder rym of ritme,
sonder einde of begin,
want jy trap kaalvoet spore
op die paaie van my hart,
en so het jy my liefde
lankal reeds vir jou kom vat.

©Anton Bosch 12/01/2020




1 Kommentaar

Maak 'n opvolg-bydrae

op
Top Ranked Users

[joinup_core_top_members columns=”1″ space=”no” max_members=”3″ behavior=”columns” columns_responsive=”predefined”]

Activity Feed