’n Bietjie Buitelug.
’n Bietjie Buitelug Carmen het die piekniekmandjie oopgemaak en haar vingers liggies oor die linnekombers laat gly. Die oggendlug was skielik kouer as wat sy verwag het; ’n ligte rilling het oor haar arms getrek, maar sy het stilgebly, asof sy die dag se belofte in haar siel wou bewaar. Dit was nie sommer ’n […]
roostuin-rendezvous – Silwer
roostuin-rendezvous – Silwer allerfraai kom hul vrolik aangefladder van alle kante sysag grasieus in hemelse kleurpalet getooi wit geel oranje selfs gespikkel met rooi wikkel hul lyfies om vir ’n stonde onomwonde deel te wees van die roostuinpiekniek ’n ware vlindernektarfees © Retha van Deventer, Junie 2025.
solo-uitstappie
solo-uitstappie – Silwer ek hunker daarna om heuningsoet herinneringe oop te sprei (soos ’n blommetjiesdeken of blokkieskombers) en ‘n mandjie vol somer-onthou uit te pak bietjie-bietjie te peusel aan keurige koestergedagtes en godgegewe gisters… dit soos warm sonstrale deur my te voel versprei terwyl vandag ’n steeltjieglas vol nostalgie skink en ek dit argeloos met […]
In die droë rivierloop (Goud)
In die droë rivierloop Die klippe was warm, selfs in die ysige winter. Pa het sy kampstoel uitgevou soos ’n man wat weet hoe om rus te vind uit stukkies van sy vrye tyd. Ons het sorgeloos gespeel — aan-aan tussen kameeldoring-skadu’s, wegkruipertjie agter klipstapels, kennetjie met dooie takke, en ons gillend-blydskap wat oorgeloop het […]
voorspieël (Goud)
voorspieël so op die heup van ’n sonskyndag in vroegherfs wil ek weer skilpadpos toe loop met die reuk van ryp fyntwa in my neus en hul sade soos stringetjies krale deur my vingers vleg ek wil ’n deken oopsprei onder ’n witgat op sand sag geweek deur reën en kyk hoe die son se […]
Kosmos… en ons Goud
spookasemwolke borrel omhoog uitgespoeg oor die vlaktes van die karoo hier en daar veg ‘n spatsel geel- ‘n kleur ontploffing op ‘n stofpalet hul gesiggies gedraai na bo sandmaalkolke draai en dans en kartel parmantig om ons heen hier op ons lapkombersie net ek en jy… en ons… alleen ruik die koperkleur van soetlemoen wat […]
Om ‘n ouma te wees
Om ’n ouma te wees Daar gebeur baie dinge in die lewe wat jou fondamente skud en jou verskrik laat kantel, maar daar gebeur ook dinge wat jou na asem laat snak en jou verdwaas laat terugsit van lekkerkry. Een van daardie dinge wat jou asemloos laat van verwondering, is om ’n ouma te word. […]
Dans van die gode
Die dans van Saturnus vind vanaand plaas onder die donker uitspansel van die hemel. Polsende musiek uit die vulkane van Mars en Venus wat haar sensualiteit aan die Aarde ontbloot. Flikkerende sterre in blink gewaad arriveer op ‘n komeet se rug, Mercurius verskaf die nodige kampvuur met geleende hitte van die son. Die […]
Oupa se groot nood Goud 638 Woorde
Ma wil opsluit Welkom toe. Haar derde agterkleinkind het onverwags sy verskyning gemaak en sy moet gaan kennis maak. Haastig word daar ‘n mandjie met biltong, kaasbroodjies, vye en dies meer gepak. Die oumense glo mos dat daar langs die pad gekuier moet word. Alhoewel die rit Welkom toe slegs drie ure duur, word dit […]
Op gister se spoor
Op gister se spoor lente kruik vol bloeisel-botsels laggend koggel Pierneef-wilger se immergroen verstrengelde vingers speel in saffier-blou maanlig deur gryse haar-kronkel-paaie heen jou glimlag in stilswye (effens) neffens die legkaart van my hart moeg geswoegde oë sing die lewenslied van lief en leed met haar warm kleed moed se dapper-wyn: oud-grashalm-goud ek en jy […]
