Kersfeesliggies (Silwer)

Kersfeesliggies

die foto’s wat ek uitpak
verbreed die soet rand van my hart
herinnerings se repertoire, feestelik
soos kersfeesliggies deur die huis

al voel dit soms of lamferbande
my arms stomp afbreek
die liggies brand tog trots en helder
nóóit laat die LIEFDE in die steek

dae, maande, jare
dit is gebêre en vergader
maar nóú kan dit my dag versier
ja nou is ek ‘n rentenier

© Barbara Smit 04/12/2020

Rapporteer inhoud

• Issue: *
  Kopiereg inbreuk vuil taal Ongeldige Inhoud
• Your Name: *
  
• Your Email: *
  

• Details: *
  

Handig verslag