Kgalagadi-haka
konflik stof die dorre amfiteater
van die Auobrivier
binne die ikoon van die son
aksie-wolkie die arena
vaal-witbruin stof
spookasem die wind
Blouwildebeeste haka
die stilte van die middag
soos rugbyvoorspelers in ‘n skrum
koppe stamp horings swaai gevaarlik
skowwe skuur-snork pote plof-plof
die swakste blaas die aftog
oorwinnaar kreet
die Kgalagadi-haka
——-ooo000ooo——-
(©Pieter Mostert)
3 Kommentare
-

Christa D
Pragtige prentjie geskets. Sien sommer die stof spat.
Maak 'n opvolg-bydrae
Jy moet aangemeld wees om 'n kommentaar te plaas.
Anze
Pragtig, dankie vir jou bydrae vir Januarie 2024 - OOP projek