Welkom, Besoeker
Welkom, Besoeker

Titel: LAAT MY TOE

Deur Charlene Jordaan Kotzé
Datum gepubliseer: 3 Augustus 2022 Aantal woorde: 113 41 Kere gelees 2

Lief, ek wil hoor hoe jou tafe-tefe’s klink –
jou heles, halwes, kwarte en agtstes.
Ek wil dit op vyf swart lyne en wit blad vir jou ink,
en ontdek wat sku-skarrel so in jou gedagtes.

My raaiselmens: jou rustelose bladsye klap
styf toe as ek jou wil lees. Ek wil so graag luister
na die misteriese simfonie onder jou flap
wat jy soms net effe in swat en wit fluister.

Tog primêr in neon kan basuin en harmoniseer,
en in akkoord kan galm – so milddadig.
Laat my toe om dit saam met jou te sinchroniseer
en vir eens jou flikkerfees op te skop – volkleur, baldadig!

© Charlene Jordaan Kotzé (Augustus 2022)




TEMAS

Laat u kommentaar

GESKRYF DEUR

Jy moet ingeteken wees om boodskappe aan hierdie skrywer te kan stuur.

Publikasies: 6
Kommentaar telling: 1

Ek is mal oor skryf, maar maak nie genoeg tyd daarvoor nie. Ek het 'n kursus in tydskrifjoernalistiek gedoen 'n tyd gelede, en kon 'n artikel in die SARIE gepubliseer kry. Ek verkies egter teksredigering: Ek is gek daaroor en dis waarin ek die meeste van my tyd belê. Ek het as jongmeisie baie poësie, kortverhale en selfs 'n roman geskryf (en destyds gereeld pogings aan Tuks se "Perdeby" gestuur). Ek wil daardie liefde weer afstof noudat ek alles anders gedoen en beproef het waarin ek ook belanggestel het deur die jare. En die laaste kuiken gaan die nes seker ook binnekort verlaat, dan sal ek weer tyd hê om te blom waar ek geplant is.

Horison Media

AfriForum – Trotse borg van INK dig/skryf kompetisie

FAK – Trotse borg van INK dig/skryf kompetisie

Die Afrikaanse Taalmuseum & -monument – Trotse borg van INK dig/skryf kompetisie

SOLIDARITEIT – Trotse borg van INK dig/skryf kompetisie

 

Gebruikers Aanlyn

2 Lede, 169 gaste aanlyn

Bydraes – Argief