bemin

–
solank onbekend onbemind bly
sal die wêreld altyd trane stort
–
met ‘n glimlag die nuwe dag binne
so glim jou lig en skyn oor almal
–
goedgelowigheid lei meestal na skade
jy kan net nie meer bekostig om te vertrou
–
praat jy nog van jou beminde
wanneer hou verliefdheid op en begin liefde
–
soveel groete stuur ek jou
selfs nie ‘n soen is meer heilig
–
minnaars is daar nie meer
bemindes slegs van weleer
–
beloftes voor God en die mens
word eenvoudig leë woorde en vergete
–
hallo en koebaai is die troue verby
selde hou dit langer as die eerste vyf jaar
–
ligsinnigheid en brasserny te veel
huwelik word nou ‘n skelwoord
–
ja maar oom, die lewe het aangegaan
en jy het agter gebly by die “ou lewe”
–
©Teãrlach