Lewensdraad

Gespan om die kamp
elke hektaar toegekamp
snaarstyf doringdraad
hoekpaal, ankerdraad
skeidingsdraad
grense bepaal

Geroeste draad met ouderdom
ankerpaal en spar verbrokkel
met wind en weer lot verseël
vernietig met vuur
nie meer gepaste skeiding
grense onbepaal

Growwe Hand rustig ingespan
vervang gebroke paal en geroeste draad
skitterblink nuwe draad
grense weer bepaal
hart en siel toegekamp
nuwe Lewensdraad
hou alles weer op die regte plek

@lenel

Rapporteer inhoud

• Issue: *
  Kopiereg inbreuk vuil taal Ongeldige Inhoud
• Your Name: *
  
• Your Email: *
  

• Details: *
  

Handig verslag