maar

–
jou kos was heerlik
die aartappels was lekker
ai en die skaaptjops so sag
die groente slaai so vars
maar ek sou …
–
oor my duin hang daar
die mooiste grys misbanke
soms draal dit tot twaalf uur
voor die seebries dit skuif
maar vismeel rook …
–
ons baai waar meeue draai
lê wes na oos, son en die maan
gaan albei daar onder verstaan
mooiste van alles die kleure
maar, ou vriend die geure …
–
sit ek op my duin en dink
hoe gelukkig kan mens wees
om te aanvaar en te bewaar
dit wat mooi en goed is
sonder een maar …
–
©Teárlach