Mag daar altyd seevoëls wees
Mag daar altyd seevoëls wees
ek skryf vir jou ’n malgas
teen Lambertsbaai se blou lug vas –
’n omdraaivoël wat huis toe kom
na ’n lang dag oor die see
ek sweef meeue en sterretjies
en ’n kaapse kormoraan;
ek vlug vir jou ’n albatros
wat oor stormwaters baan
en as jou somerson vertrek
na ’n verre land se kus
bid ek vir jou ‘n tobie
wat teen ruwe rots en duine rus
© Carma Shaw
14 Februarie 2019
9:54
Viooltjie
Ek skryf grotendeels gedigte vir ontspanning. Ek skryf graag oor die natuur, mense en hul stories en plekke wat ek besoek het. Ek doen dikwels 'n bietjie navorsing oor 'n onderwerp voor ek skryf, want ek geniet dit om te leer. Ek hoop altyd om darem 'n emosie of twee wakker te maak met dit wat te sê het, en dat julle lekker saam sal lees :-)
1 Kommentaar
Maak 'n opvolg-bydrae
Jy moet aangemeld wees om 'n kommentaar te plaas.
Tearlach
Pragtige gedig Viooltjie