Middernag

Middernag slaan
twaalf slae weerklink
deur die misdonker strate
net die huil van die wind
speel psalms deur blare
van ‘n wêreld onsienbaar
meer voelbaar as nou

en deure ontsluit
wat gegrendel moes bly
en vrees wandel rond
en snuffel in stegies
en boomryke lanings
soos ‘n rondloperhond
wat sy tande ontbloot
en jou grommend bedreig
as jy ylings op vlug is
van nêrens na niks..

want wat was is nie daar nie
wat kom nie gebaar nie
en die nou is net vrees
sonder toekoms verlede
en die hede draai maalkolk
tot wete en lewe en asem
verdwyn in die mis

en die nag
en die niks….

© 28/01/2011 Anton Bosch

Rapporteer inhoud

• Issue: *
  Kopiereg inbreuk vuil taal Ongeldige Inhoud
• Your Name: *
  
• Your Email: *
  

• Details: *
  

Handig verslag