Jongste aktiwiteit:

My ma se huis is bottergeel

Mamma,
in jou tuin is daar ‘n plek waar die son opkom.
Sy vly haar strale teen die mure van jou huis,
haar lig vloei by jou kamers en jou gange in.

Snags blink die maan bo jou woning –
‘n vol maan wat nooit sy glans verloor nie.
Sterre dans en strale krans om jou vye-
en amandelbome.

Ja, die son en die maan en die sterre
loof jou met hul ligspel,
hulle eer jou in die dag en in die nag.

Jou huis se mure het jy bottergeel geverf
want jy verstaan hoe lig werk.

En waar daar lig is, is daar geen donker nie.

© Carma Shaw
27 Mei 2017




Ek skryf grotendeels gedigte vir ontspanning. Ek skryf graag oor die natuur, mense en hul stories en plekke wat ek besoek het. Ek doen dikwels 'n bietjie navorsing oor 'n onderwerp voor ek skryf, want ek geniet dit om te leer. Ek hoop altyd om darem 'n emosie of twee wakker te maak met dit wat te sê het, en dat julle lekker saam sal lees :-)

1 Kommentaar

Maak 'n opvolg-bydrae

Up
Top Ranked Users

[joinup_core_top_members columns=”1″ space=”no” max_members=”3″ behavior=”columns” columns_responsive=”predefined”]

Activity Feed