My tortelduiflief (Goud)

ek wou maar net ‘n rympie skryf
oor die minnelied van ‘n tortelduif
wat koer-koer in die wilgerboom
liries van die liefde droom

dis toe my oog haar fladders vang
waar die bloubessieboom se takkies hang
haar beeldskoon beeld was sonder blaam
soos in ‘n windverwelkte fotoraam

ek reik dromend uit na haar
maar sy’s onbereikbaar ver
en in die skemervaal verskans
hang net die skynsels van haar dans

my woorde raak verstrengel
in hierdie aansig van ‘n engel
en my vers word ‘n ballade
gevul met die liefde se bravade

Andries Fourie
(Seirdna)

Rapporteer inhoud

• Issue: *
  Kopiereg inbreuk vuil taal Ongeldige Inhoud
• Your Name: *
  
• Your Email: *
  

• Details: *
  

Handig verslag