(my)topia

 

dié plek van plekke

op hierdie aarde

in hierdie land

waar:

mense nog groet

mense nog weet wie hul bure is

mense nog die Skepper van alles aanbid

elkeen nog in sy binneste ‘n gewete voel

kwaad nie die goed in mense oorweldig nie

liefde vir die self – nie naaste liefde oorheers

eenvoudige dinge ook aandag kry

mooi musiek nog waardeer word

kinders nog buite kan speel

oupas en oumas nog is

ouers nog ouers is

die mooi van die natuur

mense nog op hul knieë kry

 

dit is waar ek graag wil wees

al is dit net in my geestes oog

waar ek kan sweef en reis

telkens weer tuiskom

met vrede in my siel

die werklikheid

my nie net skok

maar weer hoop gee

vir die dae

wat vir my oor is

wat ek het

om Hom

te dien

 

Ó Tearlach.