‘n Bossie jakkalsblom

Ek word dryfhout in die rivier
êrens, êrens moet ek soek
vir die chemiese stroom
‘n stroom wat my sal vat
tot waar ek weer kan droom

Ek hoor die rivierlied
en die wind wat asemhaal
‘n hadiba lag vir die son
dryf by my verby ‘n bossie jakkalsblom

Op die grasvlakte duskant die kronkelende loop
was daar ‘n groot skaal hongersnood
is dit die ontbering en lyding
dat die voëltjies hul vlerke slaan
teen die verwarde boomtakke aan