‘n Winter in herinnering (silwer)
haar middae mompel loom
lou ivoor deur vensters
‘n boek lê op my skoot
buite
swiep sy stilweg skadusterte deur die geel
haar werkers kerf ‘n landskapreliëf uit gras
sy is die hooimakerseisoen
sy voed ons skure
vanmiddag staan haar hemel stil
helder en asuur
maar later sal haar hemel grys word
haar werkers sal huiswaarts keer
agter toe deure sal ek sop kook van haar oorskot
om haar warm te onthou
©Marieta McGrath
3 Kommentare
-
morne du preez
pragtig hou van hoe jy die word asuur inteks gevorm het en dit het my weer laat lees.
-
Marieta McGrath
Baie dankie Morné vir die terugvoer.
Maak 'n opvolg-bydrae
Jy moet aangemeld wees om 'n kommentaar te plaas.
Anze
Pragtig, baie dankie vir jou bydrae tot die Junie 2019 projek