NAGVLUG
Hier buite suis die suidoos
deur my doringboom se kroon –
deur die takke en die blare
waartussen duiwe
en ‘n bonthoutkapper woon.
Die wind wat deur my ruite vlaag
se asem ken ek goed –
dis daardie drie-uur-in-die-môre wind
wat in die rondrol ure woed.
Vér verby hierdie oop gordyne
– onder sterre en ‘n maan –
vlieg ‘n vliegtuig oorheen Brackenfell
waar donkernag se roetes baan.
*
En as jy op die vliegtuig was,
sou jy ‘n oomblik aan my dink?
Of liefs van hierdie vrou vergeet
en – vlugflou –
jou laaste bitter koffie drink?
© Carma Shaw
9 Desember 2017
Viooltjie
Ek skryf grotendeels gedigte vir ontspanning. Ek skryf graag oor die natuur, mense en hul stories en plekke wat ek besoek het. Ek doen dikwels 'n bietjie navorsing oor 'n onderwerp voor ek skryf, want ek geniet dit om te leer. Ek hoop altyd om darem 'n emosie of twee wakker te maak met dit wat te sê het, en dat julle lekker saam sal lees :-)
Maak 'n opvolg-bydrae
Jy moet aangemeld wees om 'n kommentaar te plaas.