Namakwaland
Oor die barre vlaktes van die Boesmanland,
draal silhoeëtte van Kammaland –
drome van weer probeer
verwronge die omkeer.
Eindloos strek bossies en sand
en tog ‘n onmisbare band
van siel en gees,
want hier wil jy wees.
Pyn teister dag na dag –
die droogte ‘n onheilige mag,
maar ‘n oasis is die nag
‘n lafenis waarna jou siel smag.
Cornien
Om te skryf is my passie, vir 'n wyle ontvlug ek die gejaag. Kry ek 'n oomblik om te voel, te sien en weer te gee, skepping, harts taal - beleef ek die inner siel van my medemens.
Maak 'n opvolg-bydrae
Jy moet aangemeld wees om 'n kommentaar te plaas.