Natuur se aanraking
hier in die binnegloed van ons sonneuur
voel ek die magiese s t i l l e rus
wat styf kom lê teen my hart se k o u e muur
kon ek tog myself verloor elk’ dag en uur
so sonder dink, sonder s e e r, net voel
op my vel jou hemelse kuur
ek raak bewus van iets groter as nou …
sien skoenlapper dartel sy dans so gou
met son wat aanskuif bedwelmend deur kou
net ek en jy… my stille natuur
met son wat streel en troos
vergete die wêreld so boos
net ‘n oomblik… van korte duur
Cornien
Om te skryf is my passie, vir 'n wyle ontvlug ek die gejaag. Kry ek 'n oomblik om te voel, te sien en weer te gee, skepping, harts taal - beleef ek die inner siel van my medemens.
1 Kommentaar
Maak 'n opvolg-bydrae
Jy moet aangemeld wees om 'n kommentaar te plaas.
Anze
Pragtig, baie dankie vir jou bydrae tot die Junie 2018 - Poëtiese orde projek