Novemberaand
(goud)
vyf flaminke oor die swart rivier
hoe blink blink die blinkwit maan
hoog bo die vuil van vaal fabrieke
en die grys van die teer
wat daarnaas baan
sewe ganse teen die silver lug;
reeds lê die son in die see –
vér onder meeue op hul skemer vlug
en ’n brug wat sement oor die lou N 2
’n blouvalk fladder – eenalleen
(die aandster het verskyn)
op soek na prooi tussen gruis en gras
voor die laaste lig
in die nag verdwyn
dis bo Simonsberg waar dit so amber gloei
as die laatlente-aand teen die wolke bloei
© Carma Shaw
Viooltjie
Ek skryf grotendeels gedigte vir ontspanning. Ek skryf graag oor die natuur, mense en hul stories en plekke wat ek besoek het. Ek doen dikwels 'n bietjie navorsing oor 'n onderwerp voor ek skryf, want ek geniet dit om te leer. Ek hoop altyd om darem 'n emosie of twee wakker te maak met dit wat te sê het, en dat julle lekker saam sal lees :-)
2 Kommentare
-
Seirdna
Wow!
Maak 'n opvolg-bydrae
Jy moet aangemeld wees om 'n kommentaar te plaas.
Anze
Pragtig, baie dankie vir jou bydrae tot die November 2019 projek - Laat-lente