Welkom, Besoeker
Welkom, Besoeker

Titel: Nuwe fase

Deur Jessica Venter
Datum gepubliseer: 23 Oktober 2019 Aantal woorde: 123 257 Kere gelees 8

toe die son oor die nuwe jaar opkom
was dit ‘n jaar van baie laastes
jou laaste laerskool jaar
tot oorlopens toe vol
met herinneringe besaai

die voorreg om jou lig as leier te kon dra
het ander gewys van Jesusliefde
van jou laaste atletiek
tot jou laaste lentesokkie
en revue waar jy na hartelus kon sing en dans
nou lê die laaste eksamen voor
en dan die laaste groet
want baie van julle maats kom van voorskool af saam
en na die jaar spat julle in verskillende rigtings
om jou aardse doel te ontdek

op die horison
waar die son se skadu val
wag die onbekende
maar die son
sal altyd weer opkom
oor die nuwe fase in jou lewe

©Jessica Venter
23/10/2019




TEMAS

Laat u kommentaar

GESKRYF DEUR

Jy moet ingeteken wees om boodskappe aan hierdie skrywer te kan stuur.

Publikasies: 110
Kommentaar telling: 4

Ek is gebore in Pretoria en het daar groot geword. My ma was ‘n enkelouer en het my dus alleen groot gemaak. Ek is al 15 jaar getroud. Ons het twee kinders, ‘n seun, Armand en ‘n dogter, Bianca. Ons bly in Randfontein tussen al die mynhope maar dis my tuiste. Ek het sekretarieël geswot by Randfontein Kollege. My man het sy eie vervoermaatskappy, ek doen al die kantoor werk al vir baie jare. My stokperdjies sluit in lees en skryf. Ek doen ook tans ‘n digterslypskool kursus. My passie vir skryf het eers ‘n paar jaar gelede ontpop. Ek het al drie boeke deur Kwarts Publishers gepubliseer. Hulle is beskikbaar in Bargain Books, op Amazon as e-boek asook op Kwarts Publishers se eie webblad. Ek het ook laas jaar ‘n ses maande kursus in kort verhale voltooi deur Die Skryfbesigheid asook deur Liberty University het ek ‘n kort skryfkursus voltooi aan die hand van Karen Kingsbury. Ek is tans besig met ‘n ses maande kursus in die skryf van Romanse aangebied deur Madelie Human.   Ek help by honde rescue, genaamd The Dachshund Haven. Ek doen elke week al hulle facebook plasings en ek hanteer al hulle admin. 

Horison Media

AfriForum – Trotse borg van INK dig/skryf kompetisie

FAK – Trotse borg van INK dig/skryf kompetisie

Die Afrikaanse Taalmuseum & -monument – Trotse borg van INK dig/skryf kompetisie

Gebruikers Aanlyn

1 Lid, 184 gaste aanlyn

Bydraes – Argief