Oorvloed

Sag streel die koel oggend briesie

oor tak en blaar

blinkoog skitter druppels van genade daar

die getuie van God se oorvloed

wat vir dae lank ons dorre aarde voed

oor die velde en heuwels

huppel die grasse reeds uitbundig

staan die doringboom in blom

as teken van hul dankbaarheid

oor die oorvloedige seën

kyk jy om jou rond

sien jy die oorvloed raak

voel jy jou binneste oopbreek

soos ‘n nuwe roosknop

of ‘n ryp granaat

uit dankbaarheid

oor al die oorvloed om jou heen

laat ons dan nie net God se oorvloed ervaar

maar dit aangee

aan die mense om ons

dat dit nog oorvloed kan baar.

© Marsofine Krynauw