Opstaantyd (silwer)

In die wildevy se takke
klink ‘n gekke kwetterkoor
tiptol se lied is skynbaar nie
wat die vinke graag wil hoor
bosduif op die telefoondraad
het koer-koer na sy maat geroep
die afdak se hans mossiepaar soek
krummels op die stoep
die son groet deur my vensterruit
‘n haan kraai sy frustrasies uit
die westewind trek speels sy vingers
deur die privetboom se blarekroon
die windpomp kreun sy nostalgie
die lug ruik vars en skoon
tog is daar is iets aan dag se breek
wat maak dat ek jou mis
dalk oor ek vir jou net so lief
soos vir vroegmôres is

©️Elize Kruger
25 November 2022

Rapporteer inhoud

• Issue: *
  Kopiereg inbreuk vuil taal Ongeldige Inhoud
• Your Name: *
  
• Your Email: *
  

• Details: *
  

Handig verslag