ouderwets

 

 

ouderwets sit hy op sy duin

gisters en eergisters pronk op sy voorkop

gedagtes vorm stadiger as voorheen

alles verbleik voor ‘n spierwit maan

 

antiek lyk sy figuur en alleen

rond waar reguit behoort te wees

hare kort gekap met spitsbaard

ongewoon en ouderwets

 

soveel jare, soveel plooie

oudmodies, verouderde aangesig

en tog in ouderwetse glimlag

skyn lig deur tyd se tonnel

 

soos van ouds speel sonstrale

verlig en kleur gesig in oranje strepe

verander sy uitkyk, weer kyk, in vorentoe-kyk

waar ouderwetse, antieke gedagtes verloop

 

© Tearlach.