Peis

Peis                                                                       (Villanelle)

My foutlyne verrimpel die blanko boeksblad

met my regterhand se sweepslaggende letterswaaie

inkantansie van swart ink wat my verse klad

apatie neutraliseer my wil en wees plet en plat

geen gemarginaliseerde perspektief op my blaaie

net my foutlyne verrimpel die blanko boeksblad

my letters gaan lê onverskillig en sopnat

op die antwoordlose stomheid van ompaaie

dis die inkantansie van swart ink wat my verse klad

my pyn is ongeprint in letters wat spetterend spat

my eie verrotting huigel nie en op al die draaie

laat my foutlyne ‘n verrimpelde blanko boeksblad

dis die wit A4 blaai se wurggreep op die potlood wat

my wond in toegemete skrape met stomp assegaaie

t’wyl die inkantansie van swart ink my verse klad

so roep die rederewolusie my tot ‘n letterdebat

met my gebreekbeitelde pyn stowwerig in lessenaarlaaie

en my foutlyne verrimpel steeds die blanko boeksblad

deur inkantansie van swart ink wat my verse klad

(C)MCH

Rapporteer inhoud

• Issue: *
  Kopiereg inbreuk vuil taal Ongeldige Inhoud
• Your Name: *
  
• Your Email: *
  

• Details: *
  

Handig verslag