Rondom Graaff-Reinet is berge (Brons)

Mamma, kyk die berrrrge!
huppel haar Heidi-rokkie
rooiwang vrolik in die straat

hulle rys bo die toring van die kerk
om rond en om die dorpie af te merk

Tandjiesberg, Lokasiekop
Sneeuberg en Spandauskop
vorm kloutjies oor die skittergroen
van Kamdeboo
se eie kroonjuweel

vul lewens al van kindertyd
met liefde en respek
vir wie die Here is

vir geskiedenis en mense
kultuur oor alle grense
elke kosbaar druppel vog
en die natuur se goue skat
as mede-erfenis

te midde van Verlatenheid
bly díé geskenk van vrugbaarheid
soos Sion in jou murg en bloed –
‘n band wat blywend heel
en stewig rotsvas is

©Charleine Collins (November 2018)

Rapporteer inhoud

• Issue: *
  Kopiereg inbreuk vuil taal Ongeldige Inhoud
• Your Name: *
  
• Your Email: *
  

• Details: *
  

Handig verslag