stilte in St Helenabaai

vanaand is dit vrydag aand
suidewinde wil steeds regeer
palmtakke klap heen en weer
amper einde van die maand

oor die duine hoor ek die see
golwe wat rasend nader storm
en seevoëls wat swerms vorm
witmuur huisies is goed geleë

vanaand kom die maan laat op
sy gloed verlig die oosterkim
wyl ek huiswaarts duin-op klim
suidewind is koel ons eet sop

laataand kners die geel-oog uil
sweef donker deur die koue lug
waar rotte speel onder die brug
skarrel vinnig weg onder die suil

vanaand is verby-pad weer stil
min geluid met mense wat braai
waai ‘n vleisreukie om die draai
meeue sit rustig kroppe vol kril

was alle vrydae maar netso stil
naweke sonder ongelukslawaai
dronkmens-stemme wat kraai
trom-musiek wat mure laat dril

©Teárlach

Rapporteer inhoud

• Issue: *
  Kopiereg inbreuk vuil taal Ongeldige Inhoud
• Your Name: *
  
• Your Email: *
  

• Details: *
  

Handig verslag