
Sand Was
sandkorrels gly glad
deur tone tot voetsool stol
brandskuur ou vel
liefderik af
sand vangbak sonstrale
golf klein oor reuse hope
dwing voete in ń wilde dans
oppad na lafenis
warm sand, koue water
dans eeue onrustig saam
waar moeë voete
rus wil vind
glowe was glad
winde vee plat
die vastrapmerke
laat skoon leie*
*Woordeboek van die Afrikaanse Taal (WAT)
skryftablet (skryf-ta-blet) s.nw., skryftablette; skryftabletjie. (histories) Lei (2LEI 2 a) of dun, plat blad van hout of ‘n ander onbuigsame materiaal, wat met was bedek is en waarop vroeër geskryf is
Maak 'n opvolg-bydrae
Jy moet aangemeld wees om 'n kommentaar te plaas.