Seebries

my hart deining ritmies met elke gety

as my hare deur jou golwe kroes

en my blou omhelsing oor jou skouer proes

waar my begeerte oor jou sandspore branderplankry

my souttrane sproei en belei

as ek oopmond skuimbolle hoes

dan dreun my naspel ’n satire oor jou goudbruin roes

want uit my kern sandduin ek vry

ons drome seester beloftes en smart

en seeperdjie ons passie in korreltjiesand

elke asemteug bulder bedaard

op die bodem van my oseaanhart

seebries my asem in die holte van jou hand

en skulp my tong oor jou growwe baard

Jessica Venter

• Neogolisme – deining, sandduin, seebries, skulp

Rapporteer inhoud

• Issue: *
  Kopiereg inbreuk vuil taal Ongeldige Inhoud
• Your Name: *
  
• Your Email: *
  

• Details: *
  

Handig verslag