Skink vir my die heelal

Skink vir my die heelal

skink vir my die heelal
ń borrelende dag
ń sopie vol van sonskyn
die wind se skaterlag

skink vir my die heelal
oor berge vol van ys
maak whiskey van die reën
wyl storms buite suis

skink vir my die heelal
laat my teug aan druif se soet
laat die borrels van geluk
sprankel deur my gemoed

skink vir my die heelal
ń skemer sag en mooi
ń kersieson vol vreugde
gedoop in sagte rooi

skink vir my die heelal
maak my glas met sterre vol
laat my drink aan aand se vrede
tot tyd se ure stol

©️Drienie Joubert Kelly

Rapporteer inhoud

• Issue: *
  Kopiereg inbreuk vuil taal Ongeldige Inhoud
• Your Name: *
  
• Your Email: *
  

• Details: *
  

Handig verslag