skitterend nuut (Engelse sonnet)
‘n jong ster begin groei
in ligjare *nebula wat verwit
waar goue wolke gloei
soos die rykheid op *singe son sit
al die elemente word in een liggaam
tot selfs die mindere en so straal
dat die rooi kwikmeter styg en saam
stilweg in die helder lig verdwaal
het ‘n nuwe flikkerlewe verskyn
uit die dooie ster wat verdof
en glans glimlag sonder pyn
in die donker heelal se kernstof
o Heer, mag elke dag in genade minuut
my teer vorm uit ou wonde tot skitterend nuut
Kopiereg: Roeline van Schalkwyk
*nebula: wolke wat uit klomp organiese molekules bestaan en dit is waar die nuwe sterre gebore word
*singe: verkorting van singende
2 Kommentare
-
-
Roeline
Baie dankie!
-
Maak 'n opvolg-bydrae
Jy moet aangemeld wees om 'n kommentaar te plaas.
Anze
Pragtig, baie dankie vir jou bydrae tot die Januarie 2018 - Weerbegin en voornemens projek