deel

meeue op strand deel dit met my
en al die ander strandwandelaars

golwe wat kom en gaan verstaan
wat almal daar bymekaar bring
feestyd vir ons wat seemusiek lief

fisante sit hoogdrawend en bekyk
hierdie besondere opera uitgevoer
deur natuur en mense teenwoordig
kraaie gil verbaas uit die boomtop

eenkant op my duin sit my lyf stil
terwyl my siel oor dit alles sweef
stilte in gees se gewone malhuis
gedagtes waarin nuus oorheers
gedirigeer deur Skeppershand

so kom dae en weke voor my verby
storms vlieg en stil dae vertrek eers
dat elke mens kan besef sy plekkie
in die groot heelal is so nietig klein
soos korrel sand in wêreld-woestyn
verbly my siel hom en pyne verdwyn

©Teárlach